 |
| Shaheed Bashir Khan Qureshi |
هن 1974ع ۾ ميٽرڪ ۽ 1976ع ۾ انٽر سي اينڊ ايس ڪاليڪ شڪارپور مان پاڪ ڪئي هئي. هن 1976ع ۾ سنڌ زرعي يونيورسٽي ٽنڊوڄام ۾ داخلا ورتي، جتي سياسي سرگرمين ۾ حصو وٺڻ لڳو، 1980ع ۾ جيئي سنڌ اسٽوڊنٽس ڦيڊريشن (جساف) زرعي يونيورسٽي يونٽ جو صدر چونڊيو ويو. 1981ع ۾ کيس زرعي يونيورسٽي مان هڪ سال جي لاءِ رسٽيڪيٽ پڻ ڪيو ويو هو، 1982ع ۾ هيءَ جساف جو مرڪزي نائب صر چونڊيو ويو ۽ چئن سالن بعد 1986ع ۾ کيس جساف جو مرڪزي صر چونڊيو ويو، 1990ع ۾ هيءَ وري ساڳئي عهدي تي چونڊيو ويو.
1976ع کان وٺي 1995ع تائين، هن جي سموري سياسي نظرياتي ترتيب سنڌ جي عظيم قومپرست اڳواڻ سائين جي ايم سيد جي ويجهڙائپ ۾ رهندي ٿي. 25 اپريل 1995ع ۾ سائين جي ايم سيد جي لاڏاڻي کانپوءِ جيئي سنڌ قومي محاذ (جسقم) قائم ڪيو ويو، اُن وقت هو جيل ۾ هيو پر پوءِ به کيس ان جو ڊپٽي ڪنوينر مقرر ڪيو ويو. 1996ع ۾ کيس جسقم جو سيڪريٽري جنرل چونڊيو ويو ۽ 1998ع ۾ کيس جسقم جو چيئرمين چونڊيو ويو، جنهن عهدي تي هيءَ پنهنجي زندگيءَ جي آخري گهڙين تائين رهيو.
هن پنهنجن پونئيرن ۾ زال سعيده قريشي، چار پٽ ۽ چار ڌيئر سوڳوار ڇڏيون آهن.
سنڌ جي هن بهادر اڳواڻ کي ڪيترائي ڀيرا گرفتار به ڪيو ويو، هن کي پهريو ڀيرو ٽنڊوڄام جي پوليس 1978ع ۾ گرفتار ڪيوهو، هن کي 15 جنوري 1985ع تي رتوديرو مان گرفتار ڪيو ويو هو، هيءَ حيدرآباد جيل ۾ ڪيتري عرصي تائين بند وارڊ پڻ رهيو هيو، هن کي ان وقت جي ملٽري ڪورٽ هڪ سال ۽ ڏهن ڪوڙن جي سزا پڻ ڏني هئي، جنهن تي 11 آگسٽ 1988ع ۾ سنڌ ۾ ٿيل نسلي جهڳڙن دوران گرفتار ڪيو ويو، هن ڀيري کيس 18 مهينن تائين جيل ۾ رکيو ويو، وري کيس 2 جنوري 1999ع تي وري کيس گرفتار ڪيو ويو ۽ ساڳئي سال جي نومبر مهيني ۾ کيس آزاد ڪيو ويو، هن کي آخري ڀيرو 15 سيپٽمبر 2011ع تي هٿيار رکڻ جي ڪوڙي الزام هيٺ ڪراچي مان گرفتار ڪيو ويو ۽ ٽن ڏينهن کانپوءِ کيس ضمانت تي آزاد ڪيو ويو هو، اهڙي رح هيءُ جملي 6 سال 10 مهينا جيل ۾ رهيو.
هن تي ڪيترائي ئي قاتلاڻا حملا پڻ ٿيا هئا، جن مان هيءُ بچي ويو هو، مٿس هڪ حملو جناح اسپتال ڪراچيءَ ۾ ۽ ٻيو جلوس جي صورت ۾ ڪراچي ۾ ويندي ٿيو هو. 7 اپريل تي سڪرنڊ ۾ هن جو پراسرار طريقي موت ٿيو، سندس پارٽيءَ جو چوڻ آهي ته کيس ان ڪنوينشنل زهر ڏئي راهه تان هٽائڻ جي ڪوشش ڪئي وئي آهي ـ
No comments:
Post a Comment