حافظ محمد بخش خاصخيلي نوان جتوئي تعلقه مورو ۾ پهرئين جون 1932ع تي سائين بخش خاصخيلي جي گهر ۾ جنم ورتو، هن پرائيمري جا چار درجا ڳوٺ لونگ ڪوريجو مدرسي مان 1947ع ۾ پڙهي پورا ڪيا ۽ انهيءَ دوران هن قرآن شريف جا 11 پارا پڻ حفظ ڪري ورتا، انهيءَ دور ۾ هن کي مذهبي عالم ٿيڻ جو شوق هو، 1948ع ۾ سڪرنڊ ۾ روحانيت واري ڪم ۾ لڳي ويو، 1951ع ڌاري سنڌي فائينل جو امتحان ڳوٺ خير شاھ لڳ نوبشاھ مان پاس ڪيائين ـحافظ انهيءَ دوران مختلف هنڌن تي محنت مزدوري به ڪئي، حافظ جا شعر سنڌ جي مزاحمتي جدوجهد ۾ جنگ جو طعل وڄڻ جو ڪم ڪندا هئا، ٻڌندڙن جا لڳ ڪانڊارجي ويندا هئا ۽ سندن دل ۾ سنڌ جي آزاديءَ ۽ خوشحالي جا ڪرڻا نظر ايندا هئا ـ 2003ع کان هن کي گلي جو ڪينسر ٿيو ڪافي علاج ڪرايائين، نيٺ سندس ڪينسر جو مرض وڌندو رهيو انهيءَ سلسلي ۾ هي ڄامشوري جي اسپتال ۾ ڪينسر جي وارڊ ۾ به ڪجھ عرصو داخل رهيو. هن سان گڏ سندس ڀاڻج ۽ ڀلوڙ شاعر گدا خاصخيلي به گڏ رهيو پر سنڌ جو هي ارڏو، اربيلو ۽ مزاحمتي شاعر اسان کان نيٺ 25 ڊسمبر 2004ع ۾ سڄي سنڌ کي سوڳوار ڪري وڇڙي ويو ـ
No comments:
Post a Comment