خيرالنساءَ جعفري لکڻ جي شروعات ڪهاڻي لکڻ سان ڪئي، سندس پهرين ڪهاڻي 1974ع ۾ ”سوجهرو“ رسالي ۾ ڇپي، تنهن کانپوءِ مسلسل لکڻ جي مشق ڪندي رهي، ڪهاڻيون لکڻ کانسواءِ هن مختلف ڪتابن جا ماڳ، تقريرون، مضمون ۽ سفرناما پڻ لکيو، خيرالنساءِ جعفري جي ڪهاڻين جو مجموعو ”تخليق جو موت“ 1978ع ۾ شايع ٿيو، جنهن جي تمام گهڻي پذيرائي ٿي، خيرالنساءِ جعفري پنهنجي ڪهاڻين ۾ اڪثر علامتي اهڃاڻ ڏنا آهن، هن سماجي اڻ برابرين ۽ براين جو ذڪر ڏاڍي سگهاري نموني نهايت خوبصورت اسلوب سان ڪيو آهي، خيرالنساءَ جعفري نهايت بيباڪيءَ سان لکيو ـ
خيرالنساءَ جعفري پنهنجي ڪهاڻي ”حويلي کان هاسٽل تائين“ ۾ اهڙي مسئلي طرف ڏيان ڇڪايو آهي، جيڪو صدين کان اسان جي سماج ۾ موجود آهي، انهي ڪهاڻي ۾ هن عورت جي مظلوميت ۽ مجبوريءَ جو عڪس نهايت خوبصورت نموني چٽيو آهي ۽ ڪنهن حساس دل رکندڙ انسان جي اندر ۾ چير ٿو وجهي ڇڏي، ڪهاڻين کانسواءِ خيرالنساءَ جعفري مختلف ڪتابن جا مهاڳ، تقريرون ۽ انڊيا جو سفر نامو پڻ لکيو ، جن کي گڏي 1992ع ۾ ”منهنجو تخليقي سفر“ نالي سان ڪتاب صورت ۾ ڇيو ويو، خيرالنساءَ جعفري 4 مارچ 1998ع تي وفات ڪئي ـ
No comments:
Post a Comment