ڀڳت کيمچند آنساڻي جو جنم 1881ع ۾ مئي ۾ ڀمون مل آسناڻي جي گهر ۾ ٿيو، سندس ماءُ جو نالو گنگا ٻائي هو، ڀڳت کي ننڍي هوندي کان ڪتاب پڙهڻ جي عادت هئي، سندس ذهن تيز ۽ يادگيري اول درجي جي هئي، سنڌي فائنل پاس ڪيائين، ان وقت پڙهائي 7 درجا گجراتي ۽ 6 درجا سنڌي هوندي هئي، 16 سالن جي عمر ۾ روينيو کاتي ۾ ڪلارڪ طور ڀرتي ٿيو، سندس شروعاتي نوڪري ٿر جي سڀني تعلقن ۾ هئي، کيمچند عالم، قابل ۽ ايماندار ڪاموري طور مشهور هو، ڪائنات جي تسخير سائنس ۽ زندگي جي عمل کي هو انسان جو مقصد سمجهندو هو، هو نظم ۽ ضبط واري زندگي گذاريندو هو، روزانو گهٽ ۾ گهٽ 6 ڪلاڪ مطالعي ۾ صرف ڪندو هو، ڄڻ ته لوڪ اسٽڊي سرڪل هو، عام طرح ڀڳت جي معني ورتي ويندي آهي ته جيڪو نام سهرڻ ڪري، ذڪر ڪري، ڀڳت لاءِ اهو ضروري نه آهي ته هو پڙهيل علم جي انهي اڀياس وارو هجي پر کيمچند سڏبو هو، هو ڌرم جي انهي حلقي مان ڪونه هو، جيڪو ڌرم سان صرف اعتماد، شوق ۽ رسمي لاڳاپو رکندا آهن، سڄي انسانيت لاءِ جاکوڙيندڙ ۽ نرم طبيعت رکندڙ ڀڳت پنهنجي سڄي حياتي پيار ورهايو ـڀڳت ٽن هنڌن تي لائيبريريون قائم ڪيون، هڪ ولي رام ولد ڪيولرام لوهاڻه پاڙي ۽ ٻي مهيشورين جي پاڙي ۽ ٽين آکاڙي ۾، نياڻين جي تعليم لاءِ پائشالا ۽ هنري سکائن جا مٺي ۾ مرڪز کوليائين، سندس زندگي جي تفصيلي معلومات سندس لکيل مشهور ڪتابن مون وٽ نڪا پيتي، نڪو ڪلف ڪنجي، آتم ڪهاڻي مرتب ولي رام ولڀ، قدرتي جيون ترتيب دليپ ڪوٺاري، هي مهان شخص 19 مارچ 1974ع تي ديهانت ڪري ويو ـ
No comments:
Post a Comment